Konstas, 19, open beurt vir Australië teen Indië

Krieket: Sam Konstas word op Tweede Kersdag een van die jongste toetsspelers nog om die beurt vir Australië te open wanneer hy sy buiging teen Indië maak op die MCG in Melbourne, voor ʼn skare van 90 000 mense. Konstas is Donderdag 19-jaar-en-85-dae oud en word die Baggy Green se jongste toetsspeler sedert sy kaptein, Pat Cummins, wat in 2011 op 18-jaar-en-193-dae teen Suid-Afrika sy eerste toets gespeel het. Die reeks van vyf toetse is tans gelykop met een-elk en die laaste een begin op drie Januarie in Sydney.