Grinch-polisieman ruïneer dwelmhandelaars se Kersfees

’n Polisiebeampte in ’n Grinch-kostuum het ‘n dwelmklopjag in Lima, Peru, uitgevoer. Video wat deur die nasionale polisieagentskap versprei is, wys hoe beamptes ‘n deur inslaan voordat hulle ‘n huis binnegaan. Drie mense is in hegtenis geneem en verskeie pakkies kokaïen is tydens die klopjag gevind, sê die polisie. Die polisie-eenheid in Lima is bekend daarvoor dat hulle kostuumgeklede agente gebruik. ‘n Beampte in ‘n teddiebeer-kostuum het vroeër vanjaar tydens ‘n Valentynsdag-operasie ook op ‘n vermeende dwelmhandelaar toegeslaan.