Twee verkragtings aangemeld oor die naweek

‘n 46-jarige man is Saterdag in Geelstertstraat in Kuisebmond vir verkragting gearresteer na hy na bewering seksuele dade met ‘n vyf-jarige meisie gepleeg het. Hy is die kind se oom, en het glo haar susters omstreeks een-uur na ‘n winkel gestuur. Met hul terugkoms het hulle die verdagte met die kind in ‘n slaapkamer gevind waar hy besig was om haar te betas en seksuele dade te pleeg. Ook Saterdag in Khorixas, het ‘n 21-jarige man na bewering ‘n 15-jarige meisie vroegaand na haar huis vergesel en haar gedwing om seks te hê. Hy is in hegtenis geneem.