Tiger Woods uit Hero World Challenge

Gholf: Die vyftienmalige major-wenner, Tiger Woods, sê hy gaan nie volgende maand aan die Hero World Challenge in Albany in die Bahamas deelneem nie. Die 48-jarige speler is in September geopereer om rug-spasmas en -pyn te verlig wat sy beperkte speelprogram hierdie seisoen belemmer het. Die Amerikaner het vanjaar in drie van die vier majors nie die afsnypunt gehaal nie. Woods sê hy is teleurgesteld dat hy nie aan die toernooi, wat hy gaan aanbied, sal deelneem nie.