Hendrikse-broers is Bokke se skakelpaar teen Wallis

Rugby: Die 36ste stel Springbok-broers, Jaden en Jordan Hendrikse, is die skakelpaar in Saterdag se toets teen Wallis in Cardiff. Handré Pollard is op die bank. Cameron Hanekom kan die 12de speler word wat vanjaar sy buiging vir Suid-Afrika maak nadat hy op die bank gekies is. Afrigter Rassie Erasmus het sewe veranderings aangebring aan die span wat Engeland verlede naweek verslaan het. Thomas du Toit keer terug op vaskopstut en Franco Mostert en Jean Kleyn is die nuwe slotkombinasie. Elrigh Louw vervang die beseerde Pieter-Steph du Toit op flank.