Bejaarde-egpaar van N$231 000 op Karibib beroof

‘n Gewapende roof het op Karibib plaasgevind. Volgens die polisie het drie gewapende mans toegang tot ‘n huis in die Namagra fabrieksgebied gekry deur ‘n oop venster. ‘n Bejaarde egpaar is vasgebind en met ‘n mes gedreig. Die boewe het weggekom met ’n 18-karaat goue en diamantketting, satelliet-dekodeerder, skootrekenaar, selfone en meer, ter waarde van 231 000 Namibiese dollar. Die ondersoek duur voort.