BRICS: Ramaphosa sê SA bly verbind tot klimaatoptrede

President Cyril Ramaphosa het Suid-Afrika se verbintenis tot klimaatsoptrede en inklusiewe ekonomiese groei herbevestig tydens die 16de beraad van BRICS-staatshoofde in Kazan, Rusland. Hy het in sy toespraak die noodsaaklikheid van ‘n billike oorgang na ‘n laekoolstofekonomie beklemtoon, wat die ernstige impak van klimaatsverandering op ontwikkelende lande aanspreek. Ramaphosa het ‘n beroep op geïndustrialiseerde lande gedoen om hul klimaatsverpligtinge na te kom om groeiende globale ongelykhede uit te skakel.