Zelensky sal vandag met Trump vergader

Republikeinse presidentskandidaat Donald Trump sal vandag die Oekraïnse president Volodymyr Zelensky ontmoet nadat hy hom gekritiseer het en twyfel uitgespreek het dat hy die oorlog met Rusland kan wen. Die twee het al per telefoon gesels maar dit sal hul eerste persoonlike ontmoeting wees sedert Trump se vorige termyn. Zelensky het reeds met president Joe Biden en sy adjunk Kamala Harris vergader en terwyl hy in Washington was, het Biden ‘n nuwe militêre hulppakket van meer as 8 miljard Amerikaanse dollar aangekondig.