Putin wil Oekraïne se kernkragstasies aanval – Zelensky

Oekraïne se president, Volodymyr Zelensky, het aan die Verenigde Nasies gesê dat Rusland dieper aanvalle op sy land se kernkragsentrales beplan en waarsku teen ‘n moontlike kernramp. Hy sê hy het inligting ontvang wat wys Moskou gebruik satelliete wat deur ander lande verskaf is om inligting oor Oekraïne se kerninfrastruktuur in te samel. Bestraling respekteer nie staatsgrense nie en baie nasies kan ‘n verwoestende effek ervaar, het hy die VN se Algemene Vergadering Woensdag gewaarsku. Rusland het sedert die begin van sy volskaalse inval in Februarie 2022 herhaaldelik energiefasiliteite regoor die Oekraïne geteiken. Luister self na Zelensky