Ethiopië beplan Afrika se grootste lughawe

Ethiopië het ‘n ooreenkoms onderteken vir die ontwerp van ‘n nuwe vier-aanloopbaan-lughawe wat Afrika se grootste sal wees wanneer konstruksie in 2029 voltooi is. Geleë naby die dorp Bishoftu, sowat 45km van die hoofstad Addis Abeba, sal die lughawe kapasiteit hê om 100 miljoen passasiers per jaar  te hanteer en parkering vir 270 vliegtuie te bied. Fase een alleen sal minstens 6 miljard Amerikaanse dollar kos, sê Mesfin Tasew, uitvoerende hoof van Ethiopian Airlines. Die Dubai-gebaseerde ingenieurs- en konsultasiefirma Sidara sal die lughawe ontwerp.