Dolce & Gabbana het nuwe hondeparfuum.

Die luukse Italiaanse handelsmerk, Dolce & Gabbana, het ʼn parfuum vir honde geskep. Fefé is vernoem na Domenico Dolce, een helfte van die beroemde ontwerp-duo, se hond. Die bottel het ʼn vergulde pootafdruk van 24-karaat en kos meer as N$2 000. Dit sluit ook ʼn D&G-halsband en naamplaatjie in. Die maatskappy sê Fefé is getoets en deur veeartse goedgekeur. Hy sê die parfuum skep ʼn weelderige gevoel en maak elke stappie met jou hond ʼn welriekende en modieuse geleentheid.