32 sterf in militante-aanval in Mogadisjoe

Minstens 32 mense is dood en vele beseer nadat ‘n selfmoordbomaanvaller en gewapende mans ‘n gewilde strandfrontplek in die Somaliese hoofstad Mogadisjoe geteiken het. Sowat 63 mense is gewond, sommige van hulle kritiek. Plaaslike media sê die aanval is uitgevoer deur al-Shabab-militante wat groot dele van suidelike en sentrale Somalië beheer. Minstens vyf mense was verantwoordelik vir die aanval, met een wat homself opgeblaas het terwyl drie ander dood is. Een aanvaller is lewend in hegtenis geneem.