Israeli tenks bestook weer tentkamp, dood 21

Israeliese tenks het nog ‘n tentkamp in ‘n ontruimingsgebied wes van Rafah bestook en minstens 21 mense doodgemaak. Dit kom twee dae nadat ‘n Israeliese lugaanval op ‘n ander kamp wêreldwye veroordeling uitgelok het. Gaza-nooddienste sê die bombardering het ‘n groep tente in Al-Mawasi getref. Israel het burgerlikes in Rafah vroeër aangeraai om daarheen te trek vir veiligheid. Minstens 12 van die dooies was vroue, volgens mediese amptenare in Gaza. ‘n Israeliese militêre woordvoerder het gesê hulle is nie bewus van die voorval nie.