NWR teken geskiedkundige wins aan

Namibia Wildlife Resorts het vanoggend sy jaarverslag vir die 2022-23 boekjaar bekend gestel en vir die eerste keer in jare, wins getoon. Volgens die maatskappy het hy 387 miljoen Namibiese dollar se inkomste getoon met ‘n wins van 46 miljoen dollar. In die vorige boekjaar het die maatskappy 294 miljoen dollar verdien met ‘n verlies van 35 miljoen dollar. Die NWR het ook skoon ouditverslae vir die afgelope twee boekjare ontvang. Die nuus is bemoedigend omdat die maatskappy jare lank gebuk gegaan het onder wanbestuur en het so kort terug as 2021 70 miljoen dollar as reddingsboei van die regering ontvang.