Oudminister skuld Agribank, beslaglegging môre aangevra

Agribank eis 480 000 Namibiese dollar van die oud adjunkminister van werke en vervoer, en voormalige LP, James Sankwasa Sankwasa. Die saak kom môre op die reël 108-rol voor en ‘n beslagleggingsbevel is reeds vir ‘n eiendom op Katima Mulilo uitgereik. Agribank sê twee lenings van 307 600 en 170 000 Namibiese dollar is in Mei 2014 aangegaan om verse en ‘n trekker te koop. Betalings het in 2019 gestop en die bank het reeds daardie jaar aansoek vir ‘n verstekvonnis gedoen. Sankwasa het geen verdediging aangeteken nie.