Meghan Markle bring hulde aan prinses Diana in Nigerië

Meghan Markle het prinses Diana in Nigerië vereer deur ‘n diamantkruis-ketting te dra wat eens aan haar oorlede skoonma behoort het. Die hertogin van Sussex (42) is met die ketting gesien tydens ‘n onthaal vir militêre gesinne in die Nigeriese hoofstad Abuja op Saterdag, 11 Mei.

Die goue halssnoer, versier met ‘n diamantkruis, is volgens berigte ‘n “onlangse geskenk” aan Meghan van prins Harry. Die egpaar, ouers van seun Archie (5) en dogter Lilibet (2), het in die voetspore van koning Charles III en prinses Diana gevolg, wat ook Nigerië in ‘n amptelike hoedanigheid in Maart 1990 besoek het.

Die kruishalssnoer was nie Meghan se enigste teken van eer vir prinses Diana tydens die huidige toer nie. Sy het ook op Vrydag, 10 Mei hulde aan haar gebring deur ‘n goue kraaghalssnoer te dra wat lyk soos een wat prinses Diana in 1990 gedra het.

Meghan bring lank reeds hulde aan prinses Diana deur middel van haar versameling van kosbare juweel-stukke, elkeen wat prins Harry oor die jare aan haar as geskenk gegee het. ’n Paar goue skoenlapper-oorbelle, ’n goue armband, ’n akwamaryn skemerkelkie-ring en ’n diamantarmband is almal by verskeie geleenthede al opgemerk. Harry het ook twee diamante uit sy ma se juweliersversameling in die verloofring wat hy aan Meghan gegee het toe hy in 2017 vir haar gevra het om te trou, ingewerk.