Hammanskraal kry glo in September skoon water

Die water en sanitasie departement sê inwoners van Hammanskraal kan teen September skoon drinkwater in hulle krane verwag. Minister Senzo Mchunu het saam met die burgemeester van Tshwane, Cilliers Brink, die Rooiwal-afvalwaterbehandelings-aanleg besoek. Inwoners maak op watertenkwaens staat sedert ‘n cholera-uitbreking, terwyl hulle reeds twee dekades lank met water-uitdagings sukkel. Mchunu verwag die Magalies-waterraad sal bouwerk aan die aanleg binne vyf maande afhandel.