Februarie-bouplanne effe beter maar steeds traag

Bouplanne vir die hoofstad is bekend. Volgens IJG Securities is 165 planne in Februarie goedgekeur, wat net meer as 129 persent meer is as Januarie en 251 persent meer in waarde vertoon op 188 miljoen Namibiese dollar teenoor die 53,5 miljoen dollar in Januarie. Maar, op ‘n jaargrondslag, is daar ‘n 42 persent daling in voltooide geboue. Op Swakopmund is 50 bouplanne in Februarie goedgekeur, amper 21 persent laer as in Februarie verlede jaar. IJG Securities sê daar is groot vraag na lenings maar, dat die hoër rentekoerse individue verhinder om lenings te kry.