Reuse-skuld, talle egskeidings

Die mosiehof rakende onverdedigde egskeidings het twee sessies gehad met 100 sake op die rol. Dit is hanteer deur regters Collins Parker en Eileen Rakow. Intussen is die sessies vir verstekvonnisse aangehoor deur regters Kobus Miller en Esi Schimming-Chase. Op die rol was 95 aansoeke waarvan 5 reël 108 aansoeke was. Kommersiële banke het 44 van die aansoeke gebring met 22 eiendomme met skuld ter waarde van amper 25 miljoen Namibiese dollar wat opgeëis word. ‘n Totaal van 22 lenings met skuld van 4,5 miljoen dollar is nou betaalbaar en een voertuig moet terug besorg word.