Sneeustortings keer 1 000 toeriste vas in China

Ongeveer 1 000 toeriste is steeds gestrand in ‘n afgeleë vakansiedorpie nadat sneeustortings China se noordwestelike Xinjiang-streek getref het. Die pad na die dorpie Hemu, ‘n skilderagtige bestemming naby die grense van Kazakstan, Rusland en Mongolië waar die toeriste vasgekeer is, is nou al ‘n paar dae deur sneeustortings afgesny. Die swaar sneeuval het tientalle sneeustortings veroorsaak en sommige toeriste is per helikopter ontruim. Sneeuval van tot 7 meter is in sommige gebiede aangeteken.