Ondersoek ‘korrupte ministers’, Cyril

ActionSA sê hy gaan president Cyril Ramaphosa versoek dat hy die Spesiale Ondersoekeenheid opdrag gee om bewerings teen drie ministers te ondersoek. Thuja Capital se uitvoerende hoof, Mthunzi Mdwaba, beweer arbeidsminister Thulas Nxesi, finansminister Enoch Godongwana, en hoër onderwys-minister Blade Nzimande het omkoopgeld van 10 persent probeer eis op ʼn werkskeppings-ooreenkoms van 5 miljard Suid-Afrikaanse rand tussen die Werkloosheids-versekeringsfonds en Thuja Capital. ActionSA se woordvoerder, Lerato Ngobeni, sê dis net nog ʼn skreiende voorbeeld van die diepgewortelde korrupsie in die regering.