Brandstigters lok hewige reaksie uit, owerhede trek hulle vas

‘n Video van ‘n minibustaxi op die lughawepad net oos van die hoofstad is wyd versprei op sosiale media en het hewige reaksie uitgelok. In die video klim twee mans uit die voertuig, steek die veld aan die brand en jaag weg. Owerhede is ingelig en die brandstigters is op Otjinene aangekeer en gearresteer. Die senior stasiebeampte by die Windhoek-brandweer Fillipus Sikongo, het met Kosmos 94.1 Nuus gepraat.