Kaapstad vat top-prys vir gewelddadigste stad in SA

Kaapstad is geïdentifiseer as die gewelddadigste stad in Suid-Afrika, met 3 165 moorde wat in die afgelope jaar aangeteken is. Hierdie onthulling volg ná die South African Cities Network se onlangse verslag oor misdaad en veiligheid binne groot stede. Die netwerk het misdaad-data ontleed wat die polisie aangemeld het. eThekwini in Kwa-Zulu Natal en Johannesburg het die tweede en derde plek behaal, elk met meer as 2 000 moorde wat aangemeld is. Verskeie faktore dra by tot die stygende moordsyfers, insluitend eiereg, taxi-geskille en bendegeweld.