Bokke besef wat vanaand gedoen moet word

Die Springbokke besef hulle moet ‘n bonuspuntoorwinning teen Tonga in hulle groepwedstryd in die Wêreldbeker vanaand in Marseille behaal. Die verdedigende kampioene het ‘n uitmergelende 13-8 nederlaag teen Ierland gelei ná ses agtereenvolgende oorwinnings . Maar Tonga het teen Ierland en Skotland verloor. Die laaste keer toe die twee spanne by die 2007-Wêreldbeker teen mekaar te staan gekom het, het Tonga die Springbokke lelik skrikgemaak met Jake White se span wat met slegs 30-25 in die groepwedstryd gewen het, voor hulle die Webb Ellis-trofee kon inpalm.