Ses mynwerkers sterf in Zim na myn ineenstort

Ses mynwerkers is dood ná ‘n grondineenstorting by Zimbabwe se Bay Horse-myn in Chegutu, 100 kilometer wes van die hoofstad Harare. Die land se staatstelevisie, ZBC TV, sê ses lyke is reeds uit die myn gehaal, terwyl nog 15 mynwerkers steeds ondergronds vasgekeer is en reddingspogings aan die gang is. Daar was aanvanklik 34 mynwerkers ondergronds vasgekeer maar 13 het uitgekom.