Namibië se kuberruim bly in spervuur July 5, 2025

Namibië se kuberruim bly kwesbaar, sê die Kommunikasie-reguleringsowerheid, Cran, se waghond vir kuberveiligheid. Meer as 540 000 kwesbaarheidspunte is in die eerste kwartaal geïdentifiseer. Hoewel dit bykans 16 persent minder is as die vorige kwartaal, sê Cran verskeie gesofistikeerde voorvalle is opgespoor, insluitend diepfop-KI-gedrewe insidente en kuberaanvalle gemik op noodsaaklike infrastruktuur. Dit lei tot beduidende finansiële verliese en bedryfsontwrigting, sê Cran.