Ghana verwag verbeterde kakao-oesJune 25, 2025

Kakao-boere in Ghana, die wêreld se tweede grootste produsent, verwag ‘n groot oes in die komende 2025/2026 seisoen, weens verbeterde blom- en peulontwikkeling. Produksie het in vorige seisoene skerp gedaal weens onder meer siektes, klimaatsverandering en onwettige goudmynbou, wat kakao-aanplantings vernietig en opbrengste verminder het. Theophilus Tamakloe, ‘n kakao-boer en vise-president van ‘n nasionale boerevereniging, projekteer ‘n toename vanaf 230 sakke kakao verlede seisoen tot 350 sakke in sy komende oes. Hy waarsku egter dat te veel reën en ‘n gebrek aan tydige verspreiding van swamdoders deur Ghana se kakao-reguleerder, Cocobod, opbrengste kan ondermyn.