Gemengde prentjie vir bouplanne in WindhoekJune 17, 2025

Die Stad Windhoek het in Mei 179 bouplanne ter waarde van 177,6 miljoen Namibiese dollar goedgekeur. Dit verteenwoordig ‘n toename van 33,6 persent maand-tot-maand in die getal, en 21,6 persent in die waarde van goedkeurings in vergelyking met April, volgens IJG Securities. Op ‘n jaargrondslag het goedkeurings egter met 4,8 persent in getal en 6 persent in waarde gedaal. Die jaar-tot-datum-waarde van goedgekeurde planne vir aanbouings en residensiële eiendomme het onderskeidelik gedaal met 134,4 miljoen dollar en 70,5 miljoen dollar, vergeleke met dieselfde tydperk verlede jaar. Daarteenoor is die jaar-tot-datum-waarde van goedkeurings vir kommersiële en industriële eiendomme 255,4 miljoen dollar hoër as in dieselfde tydperk verlede jaar.