Debswana gaan voort met verlenging by JwanengJune 17, 2025

Botswana se Debswana gaan voort met sy plan om die lewensduur van sy vlagskip Jwaneng-myn tot 2054 te verleng deur dit in ‘n ondergrondse operasie te omskep. Ondanks die afswaai in die globale diamantmark, het die besturende direkteur Andrew Motsomi gesê die maatskappy werk daaraan om ‘n internasionale kredietgradering te bekom om toegang tot kapitaalmarkte te kry. Hy het op ‘n mynkonferensie in Gaborone gesê Debswana verwag ‘n toename in kapitaalbesteding van ‘n gemiddeld van 5 miljard pula, of 6,7 miljard Namibiese dollar per jaar die afgelope vyf jaar, tot 8 miljard pula per jaar in die volgende vyf jaar. Debswana, ‘n 50-50 gesamentlike onderneming tussen Botswana se regering en De Beers, het voorheen sy kapitaalprojekte self gefinansier.