Namibië oorweeg drywende brûe in Noorde June 15, 2025

Namibië ondersoek die gebruik van drywende brûe om toegang tot skole en klinieke in vloedgeteisterde gebiede gedurende die reënseisoen te verbeter. Die minister van werke en vervoer, Veikko Nekundi, het senior personeel beopdrag om die verkryging van drywende brûe in vanjaar se aanvullende begroting in te sluit. Erge oorstromings is ‘n herhalende probleem in die Noorde. Vanjaar alleen is byna 90 skole gesluit, wat meer as 30 000 leerders in die Ohangwena-, Omusati- en Oshana-streke geraak het.