Hadj-pelgrimstog streng beheer in Saoedi-ArabiëMay 31, 2025

Saoedi-Arabië gaan strenger optrede teen ongeregistreerde aanbidders tydens volgende week se hadj-pelgrimstog. Gereelde klopjagte, hommeltuigmonitering en ‘n stortvloed van tekswaarskuwings is daarop gemik om ongemagtigde besoekers in en om die heilige stad Mekka te keer. Die eenvoudige boodskap, “Geen hadj sonder ‘n permit nie”, word oor en oor herhaal in ‘n meedoënlose veldtog wat landwyd by winkelsentrums, op advertensieborde en oor mediaplatforms bevorder word. Verlede jaar het 1 301 pelgrims, waarvan die meeste ongeregistreerd was gesterf het met temperature wat tot 51,8 grade Celsius gestyg het.