Wêreldrampe knou ook plaaslike versekeringsbedryfMay 22, 2025

Die Namibiese Toesighoudende Owerheid van Finansiële Instellings, Namfisa, sê wêreldverwikkelinge soos reuse-rampe wat die koste van herversekering raak, het ‘n impak op die plaaslike versekeringsmark en –premies. Die uitvoerende hoof van Namfisa, Kenneth Matomola, het in ‘n onderhoud met The Brief gesê oorsese katastrofes soos orkane, aardbewings en veldbrande kan ‘n invloed hê op herversekeringkoste wêreldwyd, insluitend Namibië, en dit duurder maak.