Voertuigverkope effe af in April, maar 37,5% hoër jaar-tot-jaarMay 21, 2025

Maandelikse voertuigverkope het in April met 5,8 persent gedaal tot 1 243 eenhede, van 1 320 eenhede in Maart. Dit verteenwoordig egter ‘n noemenswaardige toename van 37,5 persent op ‘n jaargrondslag vanaf die 904 eenhede wat in April 2024 verkoop is. Passasiersvoertuig-verkope in April het die van kommersiële voertuie vir die eerste keer sedert Mei 2023 oortref, sê IJG Securities. Die verkope van passasiersvoertuie het maand-tot-maand met 8,1 persent gestyg en jaar-tot-jaar met 61,1 persent geklim tot 670 eenhede. Kommersiële voertuig-verkope het met 18,1 persent gedaal tot 573 eenhede, hoewel dit ‘n 17,4 persent styging jaar-tot-jaar was in vergelyking met April 2024.