Maguire erken ManU ‘nie goed genoeg’ in EPLMay 21, 2025

Sokker: Harry Maguire erken Manchester United was nie naastenby goed genoeg nie. Sy sukkelende span hoop om hulle seisoen te red deur die Europa-Liga-eindstryd teen Tottenham te wen. United pak Tottenham vanaand in Bilbao in die hoop om die eerste trofee onder die bestuur van Ruben Amorim te verower. Amorim se span is 16de in die Premierliga en, met een wedstryd oor in die seisoen, is hulle bestem vir die klub se swakste eindresultaat sedert relegasie in die 1973-1974 seisoen. Maguire is deeglik bewus daarvan dat dit onaanvaarbaar is vir ‘n klub met die status van United.