Besigheid blom in OshanaMay 18, 2025

Sowat 29 000 besighede is tans in die Noorde geregistreer, waarvan bykans 14 000 in die Oshana-streek is. Adjunkpremier Natangue Ithete het Saterdag tydens die amptelike opening van die Besigheids- en Intellektuele Eiendomsowerheid, Bipa, se kantoor op Ongwediva gesê entrepreneurskap in die Noorde is springlewendig en gesond. Hy het ‘n beroep op sakelui gedoen om hul besighede by Bipa te registreer om toegang tot nuwe geleenthede soos lenings, kontrakte en tenders te kry.