Reisigers in Nigerië afgemaaiMay 10, 2025

Gewapende mans het minstens 30 reisigers doodgeskiet in ‘n aanval in Nigerië se suidoostelike Imo-staat, het Amnestie Internasionaal Vrydag gesê. Die aanvallers, vermoedelik lede van die verbanne seperatistegroep die Inheemse Mense van Biafra, het meer as 20 voertuie en vragmotors aan die brand gesteek, het Amnestie Internasionaal in ‘n plasing op X gesê. Imo se polisiewoordvoerder het die aanval vroeg Donderdagoggend bevestig en gesê een van die aanvallers is deur die polisie doodgemaak.