Vrou verskyn na sy Joslin se ma se huis afbrand May 6, 2025

‘n Vrou wat beskuldig word dat sy die informele woning afgebrand het van ‘n Weskus-ma wat skuldig bevind is aan die ontvoering en mensehandel van haar eie dogter, verskyn Maandag weer in die hof vir haar borgtogverhoor. Monique Kekana woon ook in die Middelpos-nedersetting in Saldanhabaai waar Kelly Smith gewoon het voor haar inhegtenisneming vir die verdwyning van die ses-jarige Joslin. Kekana het in die Landdroshof in Vredenburg verskyn en is tans in aanhouding. Die woning is Vrydag afgebrand, ure nadat Smith en haar twee medebeskuldigdes skuldig bevind is.