Aptyt vir skuld verbeter in die sakesektorMay 2, 2025

Privaatsektor kredietverlening het gestyg tot 5 persent in Maart, op van 3,9 persent in Februarie. Cirrus sê die styging is aangedryf deur groei in korporatiewe lenings terwyl huishoudelike skuld ook effe gestyg het. Die makelaarsfirma sê dit wil  voorkom asof aptyt vir krediet stadig herstel. Besighede se kredietopname het tot 8,2 persent gestyg, op van 5,9 persent in Februarie, die hoogste vlak sedert Desember 2019. Sleutelsektore wat die vraag gedryf het, sluit mynbou, energie, toerisme, vervaardiging en finansiële dienste in, wat dui op ‘n breë herstel in ekonomiese aktiwiteit.