Massabetoging teen moorde môre op OkahandjaApril 27, 2025

‘n Massabetoging teen onlangse kindermoorde op Okahandja word môreoggend op die dorp beplan. Die burgemeester van die dorp, Beatrice Kotungondo, het Saterdag teruggekrabbel oor ‘n protesaksie wat sy aanvanklik weens die toerisme- en handelsekspo op Okahandja afgekeur het en gesê dit was ‘n misverstand. Die gemeenskap eis nou dat die ekspo volgende week afgestel word. Kotungondo het ‘n beroep op die gemeenskap gedoen om aan die betoging deel te neem:

Intussen het die beloning van 50 000 Namibiese dollar wat uitgeloof is om die moordenaars van Roslin Fabian en Ingrid Maasdorp te vang, tot 99 000 dollar gegroei danksy bydraes uit die private sektor en gemeenskap.