Staatlose en ongedokumenteerde kinders in SA kort hulpApril 3, 2025

Die Suider-Afrika-netwerk vir Immigrante en Vlugtelinge het gevra vir dringende aksie oor die toenemende aantal staatlose en ongedokumenteerde kinders in Suid-Afrika, veral die kinders van vlugteling- en migrante-ouers. Die hoof van Programme en Vennootskappe, Claude Marie Bernard Kayitare, sê hierdie kinders staar struikelblokke in die gesig wat opvoeding, gesondheidsorg en regshulp betref. Die organisasie doen ‘n beroep op hervormings in geboorteregistrasies, sterker regshulpbeskerming en inklusiewe beleide, en doen ‘n beroep op die regering om hierdie sake by die opkomende Kinderberaad te bespreek en seker te maak alle kinderregte word gehandhaaf.