Perez hoop op terugkeer na Formule EenApril 3, 2025

Motorsport: Die Mexikaanse renjaer Sergio Perez hoop om volgende seisoen na Formule Een terug te keer nadat hy Red Bull einde verlede jaar verlaat het. Die 35-jarige kon in 2024 nie ‘n enkele wedren wen nie nadat hy in 2023 tweede was na sy Nederlandse spanmaat, Max Verstappen. Dit was sy swakste seisoen sedert hy in 2021 by Red Bull aangesluit het. Perez sê verskeie spanne het hom genader en hy sal ‘n besluit neem sodra hy weet waar hy staan. Hy het beloof om slegs terug te keer as hy tevrede is met die vooruitsig.