Okavango styg, Kunene ‘n raps laerApril 2, 2025

Die Okavangorivier by Rundu vloei hoog op 6,32 meter, hoër as 6,25 meter die vorige dag. Verlede jaar dieselfde tyd het die rivier 5,70 meter gemeet. Volgens die Namibiese Hidrologiese Diens het die Kunene by Ruacana effens gedaal en vloei tans teen 943,3 kubieke meter per sekonde. By Katima Mulilo vloei die Zambezi teen 4,50 meter, baie hoër as die 1,69 meter op dieselfde tyd verlede jaar. In die benede Oranje is beide Blouputs en Sendelingsdrif op 0,81 meter. Die iishanas in die noorde wissel van 0,3 tot 2,2 meter.