Ingewikkeldste polshorlosie ooit bekend gestelApril 2, 2025
Die Switserse horlosiemaker, Vacheron Constantin, se jongste skepping word beskryf as die ingewikkeldste polshorlosie wat nóg gemaak is. Die eenmalige ontwerp, Solaria, is van 18-karaat witgoud gemaak en bevat meer as 200 diamante. Dit bestaan uit 1 521 afsonderlike onderdele terwyl ʼn gewone meganiese horlosie gemiddeld 130 het. Vacheron Constantin se styl- en erfenisdirekteur, Christian Selmoni, sê die horlosie het vyf funksies wat nog nooit voorheen in horlosies gebruik is nie.