Zuma loop wéér ‘n bloutjie in hofMarch 31, 2025

Oudpresident Jacob Zuma het sy agtste regsnederlaag gely in sy poging om staatsadvokaat Billy Downer en die joernalis Karyn Maughan privaat te vervolg. Die Konstitusionele Hof het sy aansoek om verlof tot appèl met koste verwerp. Zuma wou hê die hof moet die Appèlhof beveel om sy appèl aan te hoor nadat sy aansoek vroeër van die hand gewys is. Hy beskuldig Downer en Maughan dat hulle ‘n doktersbrief in sy korrupsieverhoor laat uitlek het. Die besluit is nog ‘n terugslag in Zuma se reeks uitgerekte regsgevegte.