Terreur en verraadsaak gaan hoërhof toeMarch 31, 2025

Die 32-jarige Jona Hangula sal in die hoërhof op 19 klagtes, wat hoogverraad en terreur insluit, verhoor word. Daar is 13 verdere klagtes oor die aanstel van iemand teen die immigrasiewette van die land. Dit kom na die aanklaer-generaal die saak oorweeg het. Hangula is in Junie 2023 gearresteer en is sedertdien in aanhouding. Die staat beweer hy wou ‘n staatsgreep in die land uitvoer om ‘n Islamitiese staat te skep. Hy het blykbaar ook gepoog om ‘n selfmoordbommer te werf en ondersteun Isis, Boko Haram en ander Islamitiese organisasies in die DRK. Hangula se saak sal op 21 Mei vanjaar in die hoërhof begin.