Okahandja se watertoevoerpyp kalf weerMarch 31, 2025

Okahandja is weer sonder water. Met aanhoudende vloei in die rivier is die hoof toevoerpyp Sondagmiddag weer beskadig en water is onderbreek. Die rivier het wel afgeloop maar die gebied is baie nat en dit is nie bekend hoe lank dit sal neem om te herstel nie. Dit kom na die pyp op Onafhanklikheidsdag ook met vloei gebreek het en die dorp vyf dae sonder water gelaat het. Van die laerskole op die dorp het reeds aangekondig hulle is gesluit tot water herstel word.