NamPower waarsku oor oorstromings by Ruacana, vloei bo 1 700 kubieke per sekonde verwagMarch 31, 2025

NamPower waarsku inwoners wat aan die oewer van die Kunene-rivier woon dat groot volumes water op pad is na Ruacana. Dus sal die maatskappy sy tweede klep in sy afleidingswal oopmaak wat vloei tot by 1 700 kubieke meter water per sekonde sal opstoot. Tans is een klep oop, op 1 100 kubiek per sekonde. Oorstromings, wat laas in 2011 ervaar is, word verwag en inwoners wat afstroom van die aanleg woon, word gemaan om voorsorg te tref.