Kenners meen Mianmar dodetal kan verby 10 000 gaanMarch 31, 2025

Die Amerikaanse Agentskap vir Geologiese Opname voorspel dat die dodetal ná die kragtige aardbewing van 7,7 in Mianmar die 10 000-kerf kan verbysteek. Minstens 2 000 sterftes en amper 4 000 beserings is reeds aangemeld nadat die ergste aardbewing in meer as ʼn eeu die oorloggeteisterde land Vrydag getref het. In nabygeleë Thailand het die dodetal tot 18 gestyg. Owerhede sê reddingspogings word belemmer deur beskadigde paaie, ineengestorte brûe, swak kommunikasie en die uitdaging om op te tree in ʼn land waar ʼn burgeroorlog woed.