Invoerders skuld NamRA sakke vol BTW-geld March 31, 2025

Die Namibië Inkomsteagentskap, NamRA, het kommer uitgespreek oor belastingbetalers die betaling van verskuldige BTW uitstel. Teen die einde van Februarie vanjaar was 5 182 belastingbetalers sowat 1,7 miljard  Namibiese dollar in totaal aan uitgestelde BTW-betalings verskuldig. Net 187 van dié belastingbetalers was drie maande en minder agterstallig en hul totale skuld het 30 miljoen dollar beloop. Die res was almal meer as 90 dae agterstallig. NamRA sê invoerders moet dadelik hul rekeninge vereffen of ‘n reëling tref. Versuiming hiervan sal tot die opskorting van hul invoerrekeninge lei.