Florin misluk in hooggeregshof, terug tronk toeMarch 31, 2025

Die hooggeregshof het Thomas Florin se appèl teen sy weiering van parool van die hand gewys. Regters Dave Smuts, Theo Frank en Esi Schimming-Chase was op die bank. Die regters sê die hof het reeds in 2012 die parool-regime bevestig en voeg by dat hy reeds teen Desember verlede jaar in aanmerking gekom het vir parool omdat hy toe die minimum van 25 jaar uitgedien het, ingevolge die huidige wetgewing. Maar, paroolvereistes kan nie toegepas word op oortreders wat gedeporteer word nie. Florin se eise dat daar gediskrimineer word het ook misluk. Florin het sy vrou Monika in Desember 1999 vermoor en haar oorskot gekook.